Punishment of God

Bonding si Ejay at si Val pagkatapos kumain ng pananghalian! Chika ni Val kay Ejay na like daw niya ang Uber host na si Mariel dahil maganda siya at ok rin ang kakaibang tawa. Para kay Ejay naman, mas type niya si Bianca. Nang wala na silang mapag-usapan, sabi ng German chick kay Ejay na ang daming punishment ni Kuya. Napatanong tuloy siya kung pati ba ang insect fly part na rin ng punishment? Sagot naman ng Promdie Hottie: "Oo, Punishment of God." Winner ka Ejay!

Where are the others?

Nagluto si Priscilla at Valerie ng lunch para sa housemates. Ang problema nga lang, wala sila! Ang nakinabang lang sa pininyahang manok a la Val at Priscilla ay sina Ejay at Beauty. Nasaan nga kaya ang mga housemates? At ano ang pinagkakaabalahan nila?

Teens complain

Ang init daw sa bahay ni Kuya! Kumulubot na tuloy ang mukha ng Dazzling Doll sa inis at pinaypayan na lang niya ang sarili. Todo paypay rin itong si Priscilla at si Beauty. Yes Kuyanatics nakabalik na nga ang Rebellious Beauty. Sa katunayan ay di mo aakalaing may masakit sa katawan niya dahil kung sumigaw siya parang wala nang bukas! Sumigaw si Beauty at sinabi kay Kuya na hindi daw siya makahinga (sa init?). Eh pano pa kaya si Ejay na ang task ay kinakailangan siyang nakabilad sa araw?

Ejay’s and Jolas’ punishment

Dahil umamin si Ejay at Jolas na sila ang umihi sa pool, pinarusahan sila ni Kuya. Kailangan ng dalawa linisin ang pool at itabo ito. Tinawag ni Kuya si Jolas sa confession room kaya solo flight muna ang Promdie Hottie. Kung kahapon ay pabalik-balik si Ejay sa pagtatabo, ngayon pinagbigyan siya ni Kuya gumamit ng dram. Ngunit malawak ang pool at malalim pa rin ito. ’Di kaya abutin kayo ng next season sa pagtatabo niyan?

Nicole–Robi–Josef

Simula pa kagabi binabantayan na ng True Blue Atenean si Josef at Nicole. At hanggang ngayon todo bantay talaga siya sa dalawa to the point na halos hindi na sila makapag-usap. Gusto sanang hawakan ni Nicole si Josef ngunit pinigilan siya ni Robi at sinalo ang kamay niya. At nung kailangan umalis saglit si Robi pinaupo niya si Alex sa pagitan ni Nicosef para daw may SPACE sa kanilang dalawa. Makulit sila Nicosef at pinipilit pa rin nilang maging touchy sa isa’t-isa. Magwagi kaya si Robi sa task na ito?

Coke cheer take 3!

Nagensayo ang teens ng Coke cheer nila! Konting oras lang ang ibibigay ni Kuya at ipinaalala niya sa teens na malaki ang nakasalalay sa cheer na ito. Mapapansin na bad mood si Jolas dahil gusto niyang sumayaw ngunit hindi siya makakasama.

Si Priscilla at Nicole, very confident sa cheer nila! Sharp ang moves at kitang-kita na kabisado nila ang dance steps. Si Rona naman marami pa ring nakakalimutan na steps kaya napapakamot ulo na lang. Si Val naman hindi makasunod sa ibang girls. Major adjustment rin ang teens dahil hanggang ngayon wala pa si Beauty. Makabalik kaya siya para makasama ang teens sa final presentation mamaya? Tingnan ang buong kuwento sa Official PBB Website.

Boys, nagbonding sa kusina!

Kung bonding ang girls sa kuwarto, bonding naman ang boys sa kusina! Kuwentuhan sila Robi, Alex at Nan habang nagluluto ng pananghalian nila. Chika ni Robi sa dalawa na mother niya at younger brother niya ang nagturo sa kaniya magluto. Sa katunayan ay mas magaling pa ang brother niya kaysa kaniya. Nang pag-usapan naman nila ang mga pronounciation ng mga words, nagkalokohan na sila. Paano daw sabihin ang word na "sachet"? Ang akala ni Ejay sa-chet ito at si Alex naman daw sa-ket! Talaga naman pag gutom kung ano-ano na rin ang napag-uusapan

Bigas task continues

Kaninang umaga ang magBBF na si Josef at Robi ang gumagawa ng bigas task. Ngayon naman ang magpares ay si Nan at Jolas. Concentrate to the max ang dalawa na ilagay ang isang sakong bigas sa brown paper bags. Hindi nila napapansin na ang dami nang bigas na nakakalat sa sahig. Nako boys kapag naabutan kayo ni Kuya na nag-aaksaya ng bigas, another punishment nanaman ang matatanggap ninyo!

Priscilla’s woes

Bonding ang girls sa kuwarto nang magkuwento si Priscilla tungkol sa disability niya. Gusto niya ipakita sa mundo na kahit may kapansanan siya ay kaya pa rin niya. Dagdag ng Differently-Abled Teen na ayaw ng mom niya na pasalihin siya sa mga contests at lalo na dito sa PBB dahil sa kapansanan. Noong nasa Davao rin siya binubully siya kapag mag-isa siya. Ngunit kahit pa man naranasan niya ang mga ito, determinado siya na maging singer, magworking student at ang work: call center agent pa! In fairness ang ganda ng outlook niya sa buhay at di siya nagpapaapekto sa mga nangyari sa kaniya. Basahin ang buong kuwento sa Official PBB Website.

Ejay cleans the pool

Hindi naman masyadong masipag si Ejay! Habang ang ibang housemates ay nasa loob ng bahay at nagkukuwentuhan, naglilinis naman siya ng pool. Todo salok siya ng tubig at nilalagay niya ito sa butas sa isang sulok. Pabalik-balik niyang ginagawa ito sa buong umaga. Naku Ejay ibang klase rin ang style mo sa paglinis ng pool!

Robi and Nicole’s special task

Kailangan ni Robi at Nicole mag-isip ng dance steps with a twist - habang sumasayaw sila kailangan nalilinis rin nila ang bahay. Napakagandang ideya ito dahil pinagsama ang chore at isang bagay na gusto nilang gawin. First team up ito ni Robi at Nicole, ok kaya ang teamwork ng dalawa? ‘Di kaya magselos ang BBF ni Robi na si Josef sa partnership nila?

Remembering Daddy John

Ang nakaalala kay Daddy John ngayong araw na ito ay walang iba kundi si Tita Anna! Sa mga nakaraang araw, very light na ang mood ni Tita Anna at sa katunayan ngayon, napakanta pa siya. Todo kanta si Tita Anna ng "Let the Love Begin" habang palakad-lakad sa hardin ng guardians. Natigil siya sandali at sinabing kung nandoon si Daddy John siguradong lalakasan ng Spanish dad ang boses niya at ikukumpetensya siya. Hmm.. ‘di kaya namimiss ni Tita Anna si Daddy John? Ano sa tingin ninyo?

Coke Cheer take two!

Daily task ng teens ang mag-choreograph ng Coke cheer na suot-suot ang mga red Coke bandannas. One team na ang teens this time at sabay-sabay silang nagensayo para sa cheerdance na ito. Dahil magaan si Rona, siya ang binubuhat ng mga boys. Si Nikki at Beauty naman busyng-busy sa pagcartwheel. In fairness, nagstep-up na ang In Chick from Cebu at siya ang nagturo sa Team Rona ng choreo ng team nila. Para makita ang buong sayaw, manood mamaya ng Uber!

Teens, naempacho kaya?

Nilabas ng bahay si Alex kagabi dahil sa matinding LBM. Ngayong umaga naman si Rona at Jolas ang sinaktan ng tiyan. Maya-maya lang kinabag rin si Nan at pumunta siya sa guardians area para magpaalaga kay Mommy My Love. Ayon kay Nan, nilagyan siya ng mainit na tubig sa tiyan para bumilis ang digestion nito. Hindi kaya dahil puro toyo rice ang kinakain niyo o di kaya sanhi ito ng empacho?

Beauty’s agenda

Habang nagluluto ng nilagang baka si Rona at Beauty, kinuwento ng Rebellious chick ang mga plano paglabas ng bahay ni Kuya. Sa first week ng June, babalik na siya ng Dumaguete, pupuntahan ang friends at makikipag-inuman sa kanila. Bukod pa rito ay bibisitahin rin niya ang farm nila. Sosyal talaga ang haciendera na teen!

Robi’s planned attack

Hindi makakasama si Robi at Alex sa cheer dance, at sila pa naman sana ang drummers ng team. Tututuran dapat ni Robi si Alex kung paano magdrums tulad sa movie na "Drumline". Kuwento pa ni Robi kay Jolas (na hindi rin makakasama sa pagsasayaw ng Team Priscilla) na gumawa sila ni Alex ng exhibition sa drumsticks at naghanda ng moonwalk steps. Maganda ang steps ngunit kulang sa tao. Manalo pa rin kaya ang team nila kahit wala si Robi at Alex? Alamin ang buong kuwento sa Official PBB Website.

Team Rona/Robi practice their Coke cheer

Naghahanda na ang Team Rona/Robi para sa Coke cheer mamaya! Ngunit hindi pa sila 100% confident dahil sa dalawang problema: Kulang sila ng members dahil wala si Alex, at hindi  makasabay si Ejay sa pagsasayaw ng girls. Paano kaya nila aayusin ang mga problemang ito? Manalo kaya ang team nila laban sa team ni Priscilla?

Nicole and Josef, together still?

Bagaman nakausap na ni Mommy Sandy si Nicole, tuloy pa rin ang closeness nila ng best boy bud. Affectionate pa rin ang dalawa sa isa’t-isa at sa katunayan ay nagpamasahe pa si Nikki sa  LaSallite. Ano kaya ang susunod na sasabihin ni Mommy Sandy kapag nakita ito?

Let’s do the chicken dance!

Sayaw na sayaw si Val at Ejay sa kantang Boomtarat-tarat! Spontaneous dance ito pero in fairness sa kanila, sabay sila. Mabilis na nakuha ng Promdie Hottie ang steps at napantayan agad ang Dazzling Doll. Habang abala ang ibang teens sa bigas task, enjoy naman ang dalawa sa labas. Isa rin kaya itong punishment ni Kuya?

The Sickness Bug paid a visit to the guardians